Tap any word
أف مش عم تضبط معي
Ugh, it's not working for me
زهقت
I'm fed up
شو مالك حبيبي سند
What's wrong, my dear Sanad?
ليش معصب
Why are you annoyed?
عندي واجب فن
I have art homework
لازم أرسم معلم من معالم الأردن
I have to draw a landmark from Jordan
بس مش جاي عبالي أرسم
But I don't feel like drawing
هاي شو البتراء
What is this, Petra?
ولا صحن كنافة محروق
Or a plate of burnt Kunafa?
بابا عن جد مش وقت مزحك
Dad, seriously, it's not the time for your jokes
يا ابني الفن بده صبر وممارسة
My son, art needs patience and practice
أيامنا كنا نقعد بالساعات
In our days, we used to sit for hours
وإحنا نرسم ونلون
While we drew and colored
ما كان في إشي يلهينا
There was nothing to distract us
الشغلة بدها إحساس تعب وشغف
The thing needs feeling, effort, and passion
الفن مش كبسة زر
Art is not a push of a button
يا ريت لو إنها كبسة زر
I wish it were a push of a button
سند سند شوف الأبليكيشن الجديد
Sanad, Sanad, look at the new application
إشي خرافي
Something amazing
شو هو
What is it?
هاد الذكاء الاصطناعي
This is Artificial Intelligence
بتحكيله أي إشي بدك إياه
You tell it anything you want
وهو برسمه
And it draws it
أو بتاخد صورة إلك
Or you take a picture of yourself
بحولها لرسمة أو فيديو كرتون
It turns it into a drawing or a cartoon video
ما تنسوا تعملولنا سبسكرايب
Don't forget to subscribe to us
أوف شو هاد
Wow, what is this?
زي السحر
Like magic
يزن اسمع اكتب اكتب
Yazan, listen, write, write
ارسملي مدينة البتراء الوردية
Draw for me the rose-red city of Petra
وقت الغروب وبأسلوب فان جوخ
At sunset and in the style of Van Gogh
يا حبيبي طلع صاحبنا الـ AI فنان
Oh man, our friend AI turned out to be an artist
وبكبسة زر
And with a push of a button
يزن بتعرف إنك أحسن صاحب بالدنيا
Yazan, you know you're the best friend in the world
شو لولو شايفك قاعدة زهقانة
What's up Lulu, I see you sitting there bored
كل الناس على السوشيال ميديا
Everyone on social media
صاروا خبراء ومؤثرين
Have become experts and influencers
وأنا زي ما أنا
And I'm just as I am
يعني شو ناقصها لولو ها
I mean, what is Lulu missing, huh?
هيك بدي أعمل إشي جديد
I want to do something new like this
زائد بدي إشي يهز العالم
Plus, I want something to shake the world
يعمل تريند
To make a trend
ويرجع سلطة الأضواء
And bring back the power of the spotlight
اللي خطفوها مني
That they snatched from me
خطفوني عينيك خطفوني
Your eyes snatched me, they snatched me
وهيك بكون الفنان خلص اللوحة
And like that, the artist has finished the painting
شو يا فنان ورجيني شو عملت
Well, artist, show me what you did
سند هاي أنت رسمتها
Sanad, did you draw this?
معقول
Really?
أوف أبدعت أيوه هيك
Wow, you excelled, that's it!
فاجأتني
You surprised me
لازم كل الناس تعرف
Everyone must know
عن موهبة ابني
About my son's talent
بصراحة يا سند فاجأتني
Honestly, Sanad, you surprised me
هاي أفضل لوحة شفتها
This is the best painting I've seen
من طالب بعمرك
From a student your age
وبسبب تميزها رشحتها
And because of its excellence, I nominated it
لمسابقة الفن للمدارس
For the school art competition
على مستوى المحافظة
At the governorate level
إيه ست إنصاف بلا مؤاخذة يعني
Hey Mrs. Insaf, no offense but...
سمعتك بتقولي بدك شغلة جديدة
I heard you saying you want something new
أنا عندي إياها أنا عندي الحل
I have it, I have the solution
إشي اسمه الذكاء الاصطناعي
Something called Artificial Intelligence
بالإنجليزي AI يا أختي
In English, AI, my sister
بتقدري تخليه يكتب شعر ما صار
You can make it write poetry like never before
ويصير اسمك الشاعرة المشهورة لولو
And your name will become the famous poet Lulu
شو رأيك
What do you think?
عن جد يا عطاء معقول
Seriously, Ata? Is it possible?
كيف
How?
أم إنصاف ما بدنا نستعجل
Um Insaf, we don't want to rush
كل شي إله سعره
Everything has its price
وكل شي بوقته حلو
And everything is sweet in its time
أي نعم المبلغ ممكن يكون
Yes, the amount might be
شوية صغير كبير
A little bit big
بس المبلغ بيستاهل الشهرة والأضواء
But the amount is worth the fame and the spotlight
وأنتِ بتستاهلي كل خير
And you deserve all the best
طبعاً طبعاً أنا لولو
Of course, of course, I am Lulu
ملكة الذكاء الاصطناعي تفضل
The queen of AI, here you go
هيك بلش الحكي المزبوط
Now that's the right talk
أيوه شوفي كيف
Yes, look how
بنزلك إياه عندك
I'll download it for you
بتقوليله مثلاً اكتبلي قصيدة
You tell it, for example, write me a poem
عن فنجان قهوة حزين
About a sad cup of coffee
وهي أحلى قصيدة
And here is the most beautiful poem
فنجان القهوة الحزين
The sad cup of coffee
في وحدتي أنيس
A companion in my loneliness
خلص خلص فهمت
Enough, enough, I understood
الموضوع عندي
I've got this
طبعاً ابني الفنان العظيم
Of course, my son the great artist
لوحته اختاروها للمسابقة
They chose his painting for the competition
على مستوى المحافظة
At the governorate level
هذا الشبل من ذاك الأسد
This cub is from that lion
طيب شو رأيكم بآخر قصائدي
Okay, what do you think of my latest poems
بعنوان عندما تبكي الغيوم على شرفتي
Titled "When the Clouds Cry on My Balcony"
الكل على السوشيال ميديا رح ينجن عليها
Everyone on social media will go crazy for it
ورح تصير تريند
And it will become a trend
والآن في المرحلة النهائية
And now in the final stage
سيقوم كل متسابق برسم لوحة حية
Each contestant will draw a live painting
أمامكم خلال ساعة واحدة
In front of you within one hour
والموضوع هو قلعة عجلون
And the subject is Ajloun Castle
بأسلوب فان جوخ
In the style of Van Gogh
والآن نرحب بالشاعرة الكبيرة
And now we welcome the great poet
التي ظهرت من حيث لا ندري
Who appeared from where we do not know
وأبهرتنا جميعاًجميعاً السيدة أم إنصاف
And dazzled us all, Mrs. Um Insaf
لتقوم بإلقاء قصيدة حصرية
To recite an exclusive poem
بلا أم إنصاف لولو لولو
No Um Insaf, Lulu, Lulu
بكفي شكراً شكراً
That's enough, thank you, thank you
ست لولو لقد أصبحتِ
Mrs. Lulu, you have become
من الشعراء الموهوبين والنجوم الصاعدة
One of the talented poets and rising stars
الواعدة في الشعر الحر
Promising in free verse
هل لكِ مثلاً أن تتحفي مسامعنا
Could you, for example, grace our ears
ببعض الأبيات الشعرية الحرة
With some free verse lines
لنقل مثلاً عن المنسف
Let's say, for example, about Mansaf
طبعاً طبعاً أكيد
Of course, of course, certainly
عطاء وينك يا عطاء
Ata, where are you, Ata?
ما قالي بحتاج إنترنت
He didn't tell me I need internet
خالص النت عندي
My internet is out
معلش في عندكم واي فاي
Excuse me, do you have Wi-Fi?
ست لولو متأسف كتير
Mrs. Lulu, I'm very sorry
بس عم بيعملوا صيانة للخط
But they are doing maintenance on the line
في إشي مهم
Is there something important?
ممكن تستخدمي تلفوني إذا بدك
You can use my phone if you want
لأن الناس عم تستنى بالقصيدة
Because people are waiting for the poem
لا لا أبداً خلينا نبدأ
No, no, not at all, let's start
اللبن الجميد اللبن الجميد
The Jameed yogurt, the Jameed yogurt
اللبن الجميد يمرس في مدارات كونية
The Jameed yogurt is rubbed in cosmic orbits
والأرز كويكب أبيض
And the rice is a white asteroid
في مجرة من اللحم والصنوبر المتلألئ
In a galaxy of meat and shimmering pine nuts
بقدونس منثور هنا وهناك
Parsley scattered here and there
أنا بعتذر مش أنا اللي رسمت
I apologize, I'm not the one who drew
اللوحة الأولى
The first painting
أنا استعملت الذكاء الاصطناعي
I used Artificial Intelligence
هو رسمها أنا آسف
It drew it, I'm sorry
لأني كذبت عليكم
Because I lied to you
أنا مش زعلان لأنك ما فزت
I'm not upset because you didn't win
أنا زعلان لأنك ما كنت صادق
I'm upset because you weren't honest
مع حالك ومعي
With yourself and with me
الصدق والجهد والإحساس بالشغلة
Honesty, effort, and feeling for the thing
أهم من النتيجة يا ابني
Are more important than the result, my son
حبيبي سند الذكاء الاصطناعي
My dear Sanad, Artificial Intelligence
أداة حلوة وبتساعدنا
Is a nice tool and it helps us
ولازم نعرف كيف وأمتى نستخدمها
And we must know how and when to use it
بس ما بصير تكون بديل
But it cannot be a substitute
عن جهدنا وإبداعنا وفكرنا
For our effort, creativity, and thought
وأنت أصلاً فنان ومبدع
And you are already an artist and creative
بعرف ماما أنا تعلمت الدرس
I know, Mom, I learned the lesson
بدي أرجع أرسم البتراء
I want to go back to drawing Petra
بس هالمرة على طريقتي
But this time in my own way
وراح أحط جهد ووقت
And I will put in effort and time
الذكاء الاصطناعي مفيد وحلو
Artificial Intelligence is useful and nice
بس حسب كيف بنستخدمه
But it depends on how we use it
وما في إشي بيغني عن لمسة الإنسان
And nothing replaces the human touch
الصادقة اللي نابعة من القلب
The honest one that comes from the heart
النجاح الحقيقي هو اللي بيجي
True success is what comes
من ابتكارك وفكرك أنت
From your own innovation and thought
مش من كبسة زر
Not from a push of a button
إحساسه أحلى بكتير
The feeling of it is much sweeter
على فكرة قصيدتي عن المنسف
By the way, my poem about Mansaf
صارت تريند
Became a trend
قالوا عنها شو الكلمة
They said about it, what was the word?
سريالية
Surreal
آه يا الله مش بإيدي
Oh my God, I can't help it
لولو دايماً سابقة عصرها
Lulu is always ahead of her time