Listen and click on the missing word
جبت أعلى سكور
بس هذا المشروع بده موظفين
أو بده وقت
ما بيزبط هيك
الخطّة إنه إحنا قبل ما نقدّم
على هيك عطاء
لازم نكون جاهزين
سند في إشي حبيبي؟
لا مش إشي مهم
شغّل المضخة أبو يزن
وينك أبو يزن؟
شغّل المضخة
شغّلتها
شو اشتغلت؟
لا خيو ما اشتغلت
شكلها بدها تغيير الكابستور
والمكثف
خلص خلص بجيك يوم الجمعة
أبشر
لا لا لا يا عطا دخيلك
بلاش تيجي المي ونتبهدل هالاسبوع
المي لا عمي المي بتيجي يوم السبت
أنا هالايام كتير مشغول
الجمعة بكون مركز
وبعملك إياها على رواق
صدقني رح أزرّقلك إياها تزريق
هسا دورك إنت تزرّقلنا
نفسي أرجع مرة على البيت
ما يكون عندنا واجبات
خمس واجبات؟
بالأحلام حبيبتي
يعني إنت حجزت ملعب القدم؟
حجزت ودفعت
مش معقول هدول الولاد
ما بصير يلغوا آخر لحظة
خلص مش مشكلة
بس مش رح نلعب أنا وإياك لحالنا
لا مشكلة
أقولك أنا عندي فكرة
وهيك بدل ما يروح الحجز
بابا أنا وإياك بنكون فريق
ويزن وأبوه بكونوا فريق
شو رأيك؟
زمان ما لعبنا مع بعض
فكرة حلوة كتير
أكيد حلوة
بس المشكلة إنه
بكرة عندي تسليم كبير
وبده تركيز وشغل
شو رأيك تاخد سالي معك بدالي؟
ماشي خلص بلاش
يلا دايمة
بليز بليز دير بالك يا عطا
هذا السايد لامب
من محل الانتيكس الغالي كتير
اللي بآخر الحارة
يا عيب الشوم يا أم إنصاف
يعني كله تغيير فيش
ما بدها وصاية
يعني بس حبيت أخبرك
أهلاً أبو خالد
شو صار باللحمة؟
بدي إياها ضروري ليوم الجمعة
عندي عزومة
وبدي إشي يبيّض الوجه
تمام
ما بدي أرجع أوصيك
وإكراميتك جاهزة
أوف أوف أوف أوف
شو صار؟
هذا السلك لأنه أنتيكة قديم
ما زبط معي
خلص الجمعة بمر عليكي وبزبطه
وعد
بس أنا الجمعة مش فاضية
إنتي ما يهمك
بجيبلك معي فيش أنتيك
أوتنتيك ها
وببيّض الوجه
وبعمله بسرعة
وبضل طالع
سلام
شكلها واقع على يوم الجمعة
فيها الشغلة مناسف
إذا بتحبوا المناسف
اكتبوا بالتعليقات واعملولي سبسكرايب
مرحبا ماما وين البابا؟
البابا رجع تعبان من الشغل
وهلا دخل ينام
ماما شو عم تعملي؟
بطل في وسع بالمطبخ
وفي كتير أشياء صارلي كتير ما استعملتها
مش عارفة شو أعمل فيها
ماما ما تقلقي أنا بدبّرهم
إنتي بس حطي كل الأغراض
اللي ما بتحتاجيهم على الطاولة
سالي تعالي معي
آخر الدراسات بتقول
إنه الواحد لازم يكون مينيماليست
بقلل التوتر وبيساعد على التركيز
وبعطي راحة نفسية
مش فاهمة ولا كلمة حكيتها
إنتي بس أعطيني كل إشي
ما لبستيه صارلك سنة
سامر هذا الكرسي بتقعد عليه
مرة بالشهر
قوم شوي
برافو حبيبي
سالي هاي البلوزة كتير كنت أحبها عليكي
دورت الدنيا وما لقيت زيها
وهلا هلا شريتها أونلاين من عند سند
ممتاز حبيبتي
بس ما تنسي تغسليها
لأني صارلي سنة مش لابستها
سند يلا بدنا نروح عالبيت
خلص يا جماعة بكرة بنكمل
شكراً لتفاعلكم شكراً
تفضل قدامي
بتعرف لو ما بعرف شو عم تعمل
كان فعصتك فعص
شو سند مشيت الأمور؟
الوضع لوز
شو الخطّة هليلة؟
جهز حالك اليوم
عندنا مشوار مهم
ألو عطا كيفك حبيبي؟
اسمع أم سند عندها ماكينة قهوة قديمة
مش عم تشتغل
ومش عارف شو مالها
بتقدر تيجي تشوف شو قصتها اليوم؟
حبيبي أبو سند من عيوني
بس أنا مشغول مشغول مشغول مشغول
خلص بمرلك يوم الجمعة
يا زلمة شو قصتك مع يوم الجمعة؟
أبو يزن بيقولي إنك جاي يوم الجمعة
وأبو إنصاف بيقولي إنك رح تمر يوم الجمعة
طيب ماشي بس بستناك سلام
مرحبا عمو
قصدي مرحبا معلم
إحنا بدنا نقدم لشغل في شركتكم
كيف ممكن نقدم طلب؟
أهلاً وسهلاً
على شو بدكم تقدموا؟
على وظيفتك
على وظيفة مثل وظيفتك
الطلبات مش عندي
اطلعوا دغري وبعدين يمين
بتلاقوا قسم الموارد البشرية
رحنا بس ما لقينا حدا
طب ممكن نسأل عن الراتب؟
راتب شو؟
راتبك
قصدي راتب مدير مثلك
آه
تقدروا تيجوا بوقت تاني
أنا كتير مشغول هلا
ما عندي وقت للحكي
إنت دائماً مشغول
قصدي المدير دائماً مشغول
سلام
دقيقة دقيقة شوي
هذا الصوت مألوف
هذا الجاكيت مش غريب عليّ
وهذا الجاكيت كمان
ولكم شو بدكم براتبي ها؟
هي كل المصاري اللي جمعتها
أنا مش فاهم ولا إشي
ليش هاي المصاري؟
وليش بدك تعرف راتبي؟
بابا إنت دائماً معجوق كتير بالشغل
وبس ترجع بتكون تعبان
وإحنا بنقدّر تعبك
وبنعرف إنه عليك كتير مسؤوليات
بس أنا اشتقت أحكي معك
وألعب معك ونقضي وقت مع بعض
فـ
سند باع كل إشي بالبيت ما بنحتاجه
وأشياء بنحتاجها كمان
بقول وين راح شاحني
صارلي يومين بدور عليه
بابا أنا إجيت على شغلك عشان أعرف قديش راتبك
وبعت الأغراض عشان أجمع راتبك ليومين
وادفعلك إياهم ونقدر نقضي وقت مع بعض
أنا بعتذر إني تأخرت عليك
وصار عندي مشكلة بفاتورة الكهرباء
وقطعوها عني
ولا فرق معاهم إني زلمة كهربجي
على أساس مش ملحق شغل
ودائماً مشغول