Listen and click on the missing word
أكثر سؤال غريب بنسأله هو
أنتم أربعة؟
كيف بنفس البطن؟
إنه آه، أربعة توأم ببطن واحد
إنتو بتحسوا مع بعض؟
بعديها: أنتم دكاترة؟!
إحنا من أربع توائم، أنا الكبير
أنا رقم اثنين
أنا نمرة ثلاث
إحنا أربع توائم وأنا الأخير
عندنا الترتيب عكسي، الصغار هن اللي...
فارضين أكثر سيطرة
كيف حكوا لنا أهلنا إنه
ما قالوا لهم بالأول أربعة
هن راحوا بالأول على أول مستشفى
قالوا لهم عندكم توم، اثنين يعني
بعديها راحوا بعرفش على أي مستشفى
قالوا لهم ثلاث
بمستشفى الأخير قالوا أربعة
كانوا خايفين إنه يروحوا على كمان محل
ليزيدوا يعني
آه كل فحص كان يزيدوا
حكوا لنا الشيء كان صدمة
ما كانوا مستوعبين الشيء
نحن كنا كل واحد بكيس
فعشان هيك يعني ولا واحد طلع بيشبه الثاني
بنفس الصف لحد صف 12
واشتغلنا بعدها مع بعض برضه سنتين
بالتعليم تفرقنا
اثنين تمريض واثنين طب
كان كثير شيء حلو
وكان دائماً إنه في حدك سند
إنه بتحس دائماً إنك أنت بأمان
وين ما تمشي شمال يمين بتلاقيهم حدك
بنتساعد بكل شيء، بكل المجالات بنتساعد
بكل شيء يعني
ودائماً نفس العمر يعني مش إنه أخوك
من أعمار ثانية بفهمكاش يعني
أكثر شيء كانت إنه أختي وعد
هيك بيناتنا كانت الشاطرة
فأنا كنت حتى لما أطلع من المدرسة
بكير أو شيء
كنت دائماً آخذ منها المواد
على البارد المبرد زي ما بيقولوا
آه كنا ننقل بعض
كل شيء كنا إيد واحدة كلياتنا يعني طبعاً
في دائماً عندك هي الصاحب اللي كل الوقت
خلص إنه أنتم مجموعة
دائماً في رفقة هي اللي بتيجي لعندكم
مش أنت بحاجة لشيء براني
من ناحية أنت بتقدرش بالمدرسة
إنك تنقل شوي
لأنه في عندك مراقبين بفسدوا
بفسدوا
أنت بتروح بتوصي واحد
المشكلة إنك بتقول له تفسدش
خلص صار معي هيك تقولش لحدا
أنت بتغلط معه بكلمة فهو دغري بيفتح
طيب يا عمي خلص لما؟
إحنا هذا سر بيني وبينك
مثلاً واحد يغلط فينا بالمدرسة
يغلط مع المعلم أو شيء
واحد منا كان يفسد للأهل
وإذا واحد من إخوتي حاول إنه يغطي علي
كان هو يتعاقب أكثر مني
فما كناش نستجري نغطي يعني
سامي، آه كان يفسد
بس كان الشيء الصعب دائماً إنه
العقاب كان رباعي
يعني إذا واحد غلط الأربعة يتعاقبوا
فكنا دائماً مجبورين إنه
الأربعة نوقف ضده يعني
طوش نفس الشيء لما حدا يغلط
الأربعة بنكون محامي دفاع
أكثر شيء بالابتدائية
ما كان حدا يستجري يحكي معانا
كنا فش يعني الأربعة نهجم
يعني مثلاً كانت واحدة تطلع على أختي
أو شيء تضايقها كنت أروح دغري أضربها
بتذكر مرة واحد بالرمل هجمنا عليه
يعني فش مزح يعني
اثنين يثبتوا واثنين يضربوا
إذا المعلم غلط طبعاً لازم نحن نرد
يعني كل الأربعة فش يعني
صح غلط الحق على المعلم
عدن مشكلجية شوي مرات
بس حنونة يعني
عدن لا مبالية خلينا نقول
محامي دفاع عدن ومشكلجية عدن
أكيد قالوا لك عني محامية
وبتمشي اللي براسها
سامي أخوي العصبي
سامي عصبي فش عنده بتجادلش
عصبي بس بالمواقف عن جد بتلاقيه
هن قالوا عني أكيد عصبي
بس بكون دائماً أكيد بتراجع
يعني إذا كنت أنا على غلط بتراجع
هن هيك بيقولوا أنا لا مش عصبي
وعد الشاطرة
وعد حنونة وعد
حنونة كثير كثير وكثير تهتم بالعيلة
بيقولوا عني هادية أهدى شيء فيهم
محمد كثير هادي بني آدم كثير هادي
طبعه هادي
محمد أكثر بني آدم زاتت الدنيا
من ورا ظهره ولا...
بايعها يعني ولا بيسأل عن حدا
بيروح على الشغل وبروح
بارد الأعصاب أو لا مبالي
أكثر بيحكوا عني دائماً
كان في صعوبة على الأهل مش علينا
نحن ما حسينا بالشيء بس الأهل
يعني أنا كيف بشوف ولد صغير بيبكي
بتحملش كيف أربعة عم بيبكوا؟
الفيفة الصبح لما أمي كانت تفيقنا
مثلاً على المدرسة دائماً لتجهز لأربعة
كل شيء لأربعة
أنت كل المسؤولية لأربعة
أنت بتهكلش هم ولد عندك أربعة
وحتى من ناحية كيف بيقولوها
نطلع نتعلم الأربعة مع بعض نفس الوقت
كل فترة لها صعوبتها يعني
بس نحن ما حسينا إنه قد إيه صعب الشيء
يعني ولا مرة قصروا معنا بشيء
فنحن ما حسينا أنا من طرفي ما حسيت
إنه كان الشيء صعب يعني
في كل مراحل حياتي يعني
بحب إنه بالمستقبل ربنا يرزقني
يكون عندي توأم بس مش أربعة
يمكن بحس إنه شيء صعب
أصعب شيء أول ما افترقنا
أول ما ودعنا بعض فترة الجامعة
كانت كثير صعبة علينا وحتى على أهلي
يعني مرة واحدة الدار فضيت
أنا وعدن قررنا إنه نروح تمريض
وسامي ووعد قرروا إنه يروحوا على طب
الأهل شلبي ما كان لهم فرض
إنه شو نتعلم
المجال نفسه كمجال إنساني
مجال كثير بيجنن
من هذا المبدأ طلعنا الأربعة طب
لأنه كلنا بنحب الطب يعني
ما بنلاقي حالنا بمحلات ثانية صراحة
أنا تعلمت بجنين بالجامعة العربية
الأمريكية وإخوتي تعلموا بأوكرانيا
بس بوقت الحرب هن نقلوا على جورجيا
أولها كان صعب إنه هن برا
ونحن بنتعلم هون
كنت أول سنة دائماً أظلي مع عدن
كنا عن جد ندعم بعض
بعديها تعودنا إنه خلص كل واحد
مجبور يعيش حياته لحاله
أنا ووعد أكثر شيء يعني بنظلنا
حتى لسا بعد ما خلصنا بنظل مع بعض
حتى لسا برنامجنا عم بنبني إنه
نعمل عطلة مشتركة مش إنه كل واحد لحاله
في عنا أخو صغير هو عم بيتعلم صيدلة
بجورجيا
بعدنا إجا بسبع سنين كان كثير تخوف
لأنه انحكى إنه رح يطلع توأم يعني زينا
ومزطنا يعني
نحن نقول له صغير بالعمر طبعاً
بس هو لؤي أكبر من جيله وواعي
هو بحسه بعيد عن العيلة
هو بناح ونحن بناح
وكثير بيجي كشر وحيادي يعني
ولا حتى بنعرف عنه ولا بيعرف عنا
اسمع أخوي الصغير دائماً بحكيها
البيئة اللي ربته مش إحنا
فأي شيء إذا شفت أو سمعت عنه
نحن بريئين من أفعاله
بس لؤي حنون حنون كثير كثير لؤي
وعايش الحياة صح كيف بيقولوا
إذا بتسألني أنا أكيد برجع نفس الشيء