Listen and click on the missing word
الخياطة لغة، يعني بتقعد انت مع القماش
فهيك بعطيك شعور
انك انت عم بتحاكي القماش
عم بتحاكي الماكينة، عم بتحاكي المقص
الاقمشة والالوان، انا كثير بحب الالوان
مرات بمسكش متر بمسكش دبوس
يعني بقص على العين اه
تعلمت بمعاهد واكاديميات داخل البلاد
وخارج البلاد
بس زي الاسرار اللي الام بتعطيها
لاولادها فش
إحكي للكاميرا
انا كان عمري 13 سنة
طلبت من ابوي يشتري لي ماكنة خياطة
وبلشت اتعلم لحالي خياطة، لحالي
والله فتت على مجال الخياطة
يمكن وانا بالصف الرابع الحقيقة
فتح نادي بالبلد
وفتت وهيك تعلمت شوي
بما انه كنا بعدنا بالمدارس
انا خلقت في بيت كله اقمشة
وفيه امي بتصمم
بتخيط بتبدع
فمن هناك اخذت الشغف
انا من وقتها اشوف امي
على الماكنة اللي هي كانت
منويلا، بالايد يعني
ما كان في كهرباء وهيك
كيف كانت تعمل، كنت اعمل زيها
بحب الخياطة كثير
يعني بعطيني راحة
هدوء نفسي كثير
وانا بطبعي هادي كثير
وبطبعي انا طويلة روح
الخياطة ممكن تتعصب من زبونة
بتيجي تطلب اشياء اللي هي خيالية
بدي زي هاي الصورة
شايفتها عالموديل
طيب ما يا بنت الحلال انت مش زي الموديل
اللي بالصورة يعني
فإنت بدك ساحر
يعني يطلع لك اياه
الخياطة بحاجة لكثير هدوء حواليها
ما حدا يضغطها كثير
انا عانيت من هذا الشيء
اني اكون خياطة
يعني اني انا بدي اكون انسانة صبورة
يعني انا بدي اقدر اقعد على الماكنة
لساعات
قديه انا عندي جلادة
وعندي صبر اتحمل
استنى النتيجة على نار هادية
الخياط نفسه بده دقة بالشغل
ما بينفع تخيط شيء بسرعة
خياط لازم يكون يشتغل براحته
انا بشكل عام اسرار
مش بس الزبائن
اسرار كل الناس اللي حوالي
موجودة معي
ما بنقدر يعني نحن النساء ما بنقدر
نقعد ونحن ساكتات يعني
فبنبلش شوي شوي نحكي
واكثر شيء على فكرة بنحكيه
عن الرجال يعني طبعا
كل مين بتضل تحكي
على جوزها وعلى مشاكلها
يعني بسمع
بس فش شيء بيطلع من عندي
اطمنوا صبايا
فش شيء بيطلع من عندي
او الواحدة بتحكي على جوزها
او بتحكي على حماتها يعني
واحد من الاثنين
دائما
الحقيقة خيطت لي قميص
وانا عمري 22 سنة
حياة ابوي كان جايب لي القماش
فعز علي
وكان حياة ابوي عنده ذوق بالاقمشة
لما ينقيها
لحد هسا بعده موجود عندي بالخزانة
وفي بعض الاحيان بنتي بتلبسه
عملت قبل فترة قصيرة
فستان عرس اختي
كثير اخذ مجهود
اخترت لها قماشة اللي كلها مري
فكان التعامل معها جدا صعب
كلها يدويا
ما بتدخل على ماكنة خياطة
فيها وزن يعني
وزنها تقريبا 40 كيلو البدلة
حرفيا صار عندي ديسكات
بعد البدلة هاي
فكان شيء جدا غالي على قلبي
انا ساكنة حد جيران
في صبية راحت رحلة
وما رجعتش، عملت حادث
امها انجنت قد ما البنت حلوة
وقد ما هي صغيرة
ونفسها كانت انه انا اعمل لها بدلة
ضربت لي تلفون قالت
بدي اعمل بدلة وانزلها ببدلة بيضاء
بنفس النهار
لانه هم بدهم يدفنوها نفس النهار
ما بدهم يأخروها
خيطت البدلة وضمة الورد
والكفوف وكل شيء
ونزلت لعند الجماعة
اجيت اعطيهم البدلة
قالوا لي لا بدك انت تفوتي
وتلبسي البنت
ولبست البنت
هي الشغلة كانت صعبة كثير علي
بتعرف اليوم الشيء إن