Listen and click on the missing word
متعالجة حكت لي
إنه هاي الشدة لأمي الله يرحمها
في مجال تضيقيها على قياس أسناني
صراحة الإشي نوعاً ما مقرف يعني
شو بقدر أعرف عن الشخص من خلال أسنانه؟
لما أنت تروح تعمل فحص للسيارة
مش مفضل تكون غاسلها
نفس الإشي دكتور الأسنان
الحمد لله إنه صنعوا كمامة
هاي أهم إشي
دغري بقدر أقول لك إذا هم بيت بحافظ
إذا هم بيهتموا بصحة الفم
إذا عندهم التغذية سليمة بالبيت
وأنا طالبة مدرسة خضت تجربة اللي هي
تجربة مش كتير حلوة كانت بالنسبة إلي
بعلاج التقويم، تقويم الأسنان
أخوي كان يتعلم دكتور عام
فنصحني إنه أفوت طب
فمن وقتها حكيت إنه أنا لازم أصحح
هاي الأغلاط اللي ممكن في دكاترة بيغلطوها
من وأنا بالمدرسة كان إلي زميل
اللي هو اليوم زوجي والداعم الكبير إلي
كتير نصحني ورحت على هذا المجال
كنت دايماً أركب بزل اللي عبارة عن ألف قطعة
أو ألفين قطعة وإطلع
فحسيت إنه طب الأسنان ملائم إلي
كانت مرا كبيرة بالعمر حاملة شدة بإيدها
بتقول لنا: بس الشدة تحفولي إياها، وتحطولي إياها
فحصتلها، لقيت في إشي نافخ بثمها
إحنا كمان بنعالج أولاد
اللي هم مع إحتياجات خاصة
مرات بالكراسي اللي إلهم
وعالمحل أنا أعطيتها صورة
ورقة إنها تعمل صورة
واللي اتضح إنه فعلاً عندها كان سرطان
بس بنفس الوقت أبسطني
إنه اكتشفناه بوقت نوعاً ما بكير
في عندي حالة وصلت عندي،
صارلها 30 سنة ما فاتت عند دكتور أسنان
أخطاء في البدايات نعم
كان في أخطاء يمكن في التشخيص
لأنه من أول في دكتور كان قالعلها طاحونة وكانت ملتهبة
كانوا أسنانها مدمرين شيلة شيلة
إجت عندي متعالجة كانت كتير متضايقة
من شكل سنانها
صاحباتها بالمدرسة بيتنمروا عليها
لما هيك بنصير نمارس المهنة أكثر،
ونحبها أكثر، ونتعلمها أكثر،
بنصير نتخطاها هاي الأخطاء بسهولة يعني
بالفعل اليوم المريضة كتير كتير مبسوطة
بطل عندها خوف بتاتاً بتاتاً من طب الأسنان
ومن بعد ما فكت التقويم
البروفايل تبع وجهها كلياته تغير
وهي عالمحل لما شافت حالها، هي بكيت
وكان كتير الإشي مؤثر نوعاً ما
أنا بحب كتير الزراعة
أنا إذا بشوفش دم خلص بمشيش يومي
بس وأنا عم بقلع أياتا طاحونة أنا بكون مستمتعة
فكثير بحب يكون معي لكساتور،
اللي هو مش اللي بيقلع، الكماشة
اللي هو المفك
دموية
بيصير معي مواقف آه بسهب بالحكي
والولد فاتح ثمه ومش قادر يرد
لما أبدأ أشتغل لأياتا متعالج، وهن إيدي بقلب ثمه، دايماً
ببدأ أحكي معه منفتح حوارات كمان
كل مريض، إيش في بثمّه إحنا بنفهم عليه
بكونش أستنى منه جواب
يعني بس بقوله إرفع إيدك بالإشارات،
من منطلق أني بدي أسليه وأنسيه وجع العلاج نفسه
في كتير متعالجين بيحط موعد بيفكر إنه معاه كل اليوم
وينتا ما هو بده بيقدر يصل عند طبيب الأسنان
وإحنا كتير بيضايقنا هذا الموضوع
عشان ما يصيرش سلسلة تأخيرات بالأدوار كلها
بدك تعطيه وقته بدك تعطيه الجودة اللي مطلوبة
وكمان شغلة يعني هي كتير مش حلوة
لما باجي بدي أشتغل
ويكون المتعالج مش فارك سنانه
الحمد لله إنه صنعوا كمامة كمامة، هاي أهم إشي
الكمامة كتير كتير مهمة
أفركوا أسنانكم لو سمحتوا
التريندات حتى نجحت إنها تفوت على المجال الطبي
كتير حالات بتوصلني بدها هوليوود سمايل
وأنا بتطلع شخصياً على أسنانها
بلاقي أسنانها 100 بالمية ولا غلطة
بيفرجوني صورة، شو رأيك بهاي، حابة أعمل هيك
أو شو رأيك بهذا العلاج مبين كتير حلو
هاي الصورة لبقت لهذا المتعالج، بس هاي الصورة مش راح تلبق
إذا حطيتها على وجهك مش راح تلبق لك
لو بدي أعملها أنا ربحان
بس أنا بقبلش على حالي
أول إشي عشان أنا بضر أسنان
لأنه إحنا بنعمل هوليوود سمايل
إحنا بنحف إشي بسيط من السن، من قدام من الأمام، وبعدين بنركب عليه
وأول إشي نصلح بالأول الأسنان من جوا نهتم لصحة الأسنان
وبعدين بمرحلة متقدمة أكثر بنهتم لتجميل الأسنان
أنا بنصحها إنه تيجي كل ستة أشهر، تعمل تنظيف، تعمل تبييض، وبس تحافظ
اتبع الإشي اللي بينصحك عليه طبيبك الأسنان
مش إيش الموضة إسا بتقول
لكل إشي فيه علامات مثلاً التدخين، القهوة،
عنده مثلاً عادات معينة اللي هي شوي غلط
زي المص بالإصبع زي تقرقط الأظافر
في إشي اسمه بلاك لاين أو بلاك
بصير يبين زي سواد صغير صغير على كل الأسنان، أو بني
بقدر أشخص كمان حالة معينة تقويمياً
عن طريق التلفون
عن طريق أني أسمع صوت حدا
إث أو إذ أو إف هذول الأحرف، شوي ممكن تدل على خربطة معينة بالأسنان
علاجات الأسنان مكلفة إحنا بنخليه مكلف
لأنه إحنا من الأول ما كنا وقائيين بالدرجة السليمة فالإشي تدهور
وصار في حاجة لعلاج اللي هو متطور أكثر
إحنا مش غاليين الدولة غالية
طبعاً كل المواد هي بتكلف كل الأجهزة بتكلف
أنت في عندك عيادة الصيانة، المساعدة
مندفع ضريبة كتير غالية مندفع أجارات
مندفع للمختبر مندفع للإرساليات
فبتلاقي إنه إشي بسيط إحنا ربحنا مش إشي غالي
إشي بتأمل كل المتعالجين يبطلوا يعملوه، هو إنهم يبطلوا يشربوا مشروبات غازية
شغلة كتير مهمة إنه عن جد لازم يحافظوا على فرك إستانهم بالبيت بشكل يومي
الناس عن جد تبلش تهتم أكثر
لصحتها الداخلية، بالضبط
كيف بتهتم لمظهرها الخارجي
حلمنا إنه دايماً يكون عنا عيادات كبيرة
وكل الأدوات اللي عند دكاترة بالغرب ولا بأوروبا تكون عنا نفسها
لأنه هاي بتساعدنا كتير كتير
وتيجوا لعنا وتفحصوا أسنانكم أكثر وأكثر
وما تستنوا لحتى يصير وجع
مجال الأطفال، مجال شيق فيه إنسانية
بعطيك إكتفاء ذاتي كتير كتير كتير كبير
في ناس كتير بتوصل لعندي
فش عندها ثقة بنفسها
فش عندها ثقة إنه تضحك
بتحط إيدها على ثمها عشان تقدر تحكي
وبحب النتائج اللي بتطلع
يعني لما بطلع أياتها نتيجة حلوة
الفرق قبل وبعد
لازم تكون كتير سوي كتير هادي، كتير طيب
في عندك حب إنك تعطي
أغلب المتعالجين بيحكوا
أنا بخاف من أطباء الأسنان
بس الحلو إنه أنا دايماً جوابي بيكون،