0:00
/
0:00
Listen and click on the missing word
كيف بيصير قوس قزح بالسما؟
ممم...
أكيد التحري جلجل عنده الجواب.
ها ها ها!
التحري جلجل موجود يا تنتن.
وأكيد إنتي بدك تسألي
عن قوس قزح، صح؟
كيف بيصير قوس قزح بالسما؟
ها! الأسئلة كتير مهمة يا تنتن.
وهي اللي بتخليني
دايماً تحري ناجح.
ها!
لازم نسأل الشمس.
ها؟ الشمس؟ ممم.
يا شمس! يا شمس!
يا شمس! وينك يا شمس؟
هيها هيها! أهلاً أهلاً يا شمس.
أهلاً، مرحباً يا شمس.
أهلاً أهلاً.
ممكن تقولي لنا مين اللي بيرسم
قوس قزح في السما؟
شعاعي الضوئي.
ها! شعاعك الضوئي؟
وطبعاً مش بس لحالي.
آه، مين بيساعدك؟
قطرة المي اللي بالغيمة.
شايفة يا تنتن؟
أنا كنت متأكد
من خلال الأسئلة رح أكتشف الحقائق.
أنا التحري جلجل اللي اكتشفت
إن الموضوع كمان فيه غيم ومي.
ممم.
طبعاً، قبل شوي مر شعاعي
من مكان فيه قطرات مطر.
وهيك الألوان اللي بيحملها شعاعي بتظهر.
وبتتشكل على شكل قوس قزح.
ممم. فعلاً يا تحري جلجل،
قبل شوي نزل شوية مطر.
يعني الشمس لازم تكون طالعة
عشان يصير قوس قزح.
طيب لو سمحتي يا شمس، كيف؟
بيدخل شعاعي جوا حبة المطر.
ولما يطلع منها بيظهروا ألوانه السبعة.
الأحمر والبرتقالي والأصفر والأخضر
والأزرق والنيلي والبنفسجي.
لو سمحتي وضحي بالتفصيل.
آه آه.
شعاعي أصلاً بيتكون من سبعة ألوان.
أحمر، برتقالي، أصفر، أخضر،
أزرق، نيلي وبنفسجي.
بس لما تتحد هاي الألوان
بيصير لونها أبيض.
ولما يدخل شعاعي حبة المطر
تتفكك ألوانه وبتظهر في السما
على شكل قوس قزح.
إذاً عشان يصير قوس قزح
لازم شعاع الشمس
يروح ويمر من قطرة المي
اللي موجودة في الغيمة.
مضبوط، وهيك بيصير قوس قزح.
يا عيني عليك يا تحري يا جلجل
اللي بتكتشف الحقائق.
أنا كتير بحب قوس قزح.
وينك يا قوس قزح؟ وينك يا فنان؟