0:00
/
0:00
Listen and click on the missing word
جدو سمسم رح يفرح كثير
لما يعرف إنه إحنا عملناله برواز
وحطينا فيه صورة إلنا كلنا.
هاي أحلى مفاجأة رح تكون لجدو سمسم
لما يشوف الصورة جوات البرواز
اللي إحنا رح نعمله إياه،
وهيني جبت العصي منشان نبدأ
نعمل البرواز.
جلجل، أنا اخترت هادي الصورة
وجبت الصمغ.
آه، الصورة كثير حلوة
وأنا جاهز هلق نبدأ نعمل البرواز
المنيح اللي رح نسويه، يلا.
يلا نبدأ.
أيوه هيك، كمان.
يا عيني عليك يا عيني عليك.
جلجل. نعم؟
هادا البرواز ما رح يزبط.
ليش؟
لأنه هادا مثلث وإله تلت أضلاع،
والصورة اللي عنا فيها أربع أضلاع.
مزبوط مزبوط، هادا واحد،
تنين، تلاتة، صح.
طيب، أنا معي عصي تانيين،
هلق بجيبهم حتى نكمل البرواز.
يلا، هاي مجموعة من العصي يا تنتون
ورح أسوي أحلى برواز.
يا سلام، كثير كثير صار حلو يا جلجل.
أكيد أكيد، أنا ما بعمل
إلا كل إشي حلو.
أيوه، صح صح هيك يا جلجل.
شو رأيك؟
كثير حلو، هلق هيك بنفع على الصورة.
وعندنا بكون أربع أضلاع،
واحد، تنين، تلاتة، أربعة.
بس بتعرفي يا تنتون،
لازم نزين هادا البرواز حتى يكون أحلى.
فكرة رائعة كثير حلوة يا جلجل،
يلا بإيش رح نزينه؟
بمعكرونة ملونة،
خليني أروح وأجيبها.
هاي المعكرونة،
وهلق بنبدأ نزين البرواز.
وبهيك بكون عنا برواز مزين
للصورة الحلوة.
حلو حلو حلو كثير يا جلجل،