0:00
/
0:00
Listen and click on the missing word
يا سلام، أنا كتير بحب فصل الصيف.
كيفكم؟
مرحبا، كيفكم؟
أهلاً يا تنتن. أهلاً أهلاً تنتن.
جلجل، شو عم تعمل؟ كنت بدوّر عليك.
أنا وعمو كامل عم نجهّز الدراجة الهوائية
عشان أركبها.
وأنا كمان بحب أركب الدراجة الهوائية.
جلجل. نعم.
طاقيتك كتير حلوة.
شكراً يا تنتن، بس هاي خوذة الحماية
ضرورية لركوب الدراجات الهوائية.
طبعاً يا جلجل، لأن خوذة الحماية يا تنتن
بتحمي الرأس من أي إصابة
في حال وقوع حادث.
مزبوط. خوذة الحماية.
جلجل، إنت هلأ جاهز؟
أنا جاهز، خوذة الحماية موجودة
والاسفنجات للكوع وللركب كمان جاهزين
بتحميني إذا وقعت إني ما أتأذى.
بس للأسف، الدراجة لسه مش جاهزة.
لأن يا جلجل إحنا لازم نعمل أشياء كتير
ونتأكد من أشياء كتير قبل ما نركب الدراجة.
صح صح، أشياء كتير زي إيش عمو كامل؟
مثلاً الفرامل، البريكات، كتير مهمة
لحتى نقدر نوقف الدراجة في أي وقت ضروري.
صح صح، في أي وقت ضروري.
وهيك نتأكد من البريكات إذا موجودين أو لأ.
أشوف، هيك البريكات صاروا جاهزين 100%.
عمو كامل، تأكدلي كمان من العجال
إنهم منفوخين منيح.
صح يا جلجل، كمان العجال لازم نتأكد منهم.
هاد العجل الأول وضعه ممتاز.
وهاد التاني كمان وضعه ممتاز.
وهيك صار بإمكانك يا جلجل إنك تركب دراجتك
بكل ثقة، بس بدك تدير بالك يا جلجل.
من إيش؟
بدك تركب الدراجة في الأماكن والساحات
المخصصة لركوب الدراجات الهوائية.
صح صح، أنا بعرف بعرف،
بتكون بعيدة عن السيارات.
صح يا تنتن، علشان تكون إنت راكب دراجتك
وشاعر بالأمن والسلامة العامة.
طيب يعني هلأ دراجتي أنا سليمة،
البريكات ممتازة والعجلات منفوخين،
والخوذة موجودة وكمان اسفنجات الحماية
للكوع موجودين، أنا جاهز.
لا يا جلجل، في إشي ناقص.