Listen and click on the missing word
تعرف يا جلجل؟
نعم.
القعدة هون بالشرفة بتجنن.
همم، أنا كتير بحب أقعد هون.
بس قوليلي إنتِ ليش إنتِ
بتحبي تقعدي هون؟
لأني بشوف أشياء كتيرة
من هون وأنا فوق،
ما بشوفها وأنا تحت
بالحديقة.
همم، وأنا زيك.
أنا بحب أشوف الشجر من فوق،
عالي، كأني في طيارة.
ها؟
طيارة؟
إنت قلت طيارة؟
آه يا تنتون ليش؟
طيارة على الشجرة.
طيارة على الشجرة؟
كيف يا تنتون؟
هي هي يا جلجل هناك
على الشجرة الكبيرة.
هه؟
آه، مظبوط، طيارة ورقية.
هلق فهمتك يا تنتون.
ها، فكرك لمين هاي الطيارة؟
أكيد لواحد من جيراننا وضيعها.
آه يا حرام.
ممكن نكون بنعرفه؟
يمكن.
طب جلجل،
صاحب الطيارة هلق رح أكيد
رح يكون زعلان عليها.
أكيد هو هلق حزين.
بس مين هو يا ترى؟
طب شو رأيك نحكي
لعمو كامل يساعدنا؟
فكرة ممتازة يا تنتون، يلا.
يلا.
باينتها الأمور مش سهلة.
ليش يا عمو كامل؟
لأنها عالقة بين الأغصان.
طيب حاول شوي شوي ودير بالك.
ولا يهمك يا جلجل،
رح أطلعها صاغ سليم.
عمو كامل؟
نعم.
إنت خبير بالطيارات الورقية.
آه طبعاً.
أنا لما كنت صغير كنت أصنع
وأطير طيارات ورقية.
هه؟ عن جد؟
طبعاً طبعاً.
بس عمو كامل؟
نعم.
أكيد صاحب الطيارة اللي ضيعها
هلق بكون حزين.
آه، وإحنا لهلق ما بنعرف مين هو.
فعلاً، معكم حق.
خلوني أنزل بالأول،
وبعدين بنفكر كيف ممكن نلاقي صاحبها.
بتعرف يا جلجل وتنتون؟
ذكرتوني وأنا صغير لما كنت
أصنع وأطير طيارات ورقية.
مرة كنت أطير بطيارة ورقية
بالسما عالي عالي عالي،
وفجأة انقطع الخيط.
ودورت على الطيارة ما لقيتها.
زعلت كتير مشانها.
بس على فكرة أنا كنت كتير شاطر
وأنا بطير بطيارات ورقية.
ها؟ طير طيارة عالي بالسما؟
آه.
لقيتها لقيتها لقيتها!
إيش هي يا تنتون إيش هي؟
بنطير الطيارة هاي هلق عالي بالسما،
وأكيد صاحبها رح يشوفها.
ها، فكرة كتير ممتازة.
فكرة رائعة.
وأكيد رح يميزها.
إنتِ عبقرية يا تنتون.
يلا يلا خلينا نطيرها بسرعة.
يلا يلا يلا.
جاهز يا جلجل؟
جاهز.
خد امسك طرف الخيط.
أيوه.
يلا، واحد اتنين تلاتة.
ما أحلاها يا جلجل.
كتير حلوة يا تنتون.
لو يجي صاحبها يلاقيها.
وينك يا صاحب الطيارة؟
إحنا لقينا طيارتك.
مرحباً.
ها؟ هي طيارتي.