Listen and click on the missing word
جلجل، أنا كتير كتير غضبانة!
بس إحنا ما بنقدر نعمل إشي،
لأنه عمو كامل اتأخر وما رح نطلع الرحلة اليوم.
ما رح نقدر نطلع الرحلة؟
أنا متضايقة، متضايقة، غضبانة!
يا تنتن، يا تنتن،
عمو كامل ما قدر يجي،
مش مشكلة بنطلع مرة تانية.
بس هو وعدنا،
وأنا رتبت كل هاي الأغراض للرحلة.
ما تنسي إنه عمو كامل قال،
إذا ما طلعنا اليوم، بنرتب ليوم تاني.
بس هو حكى كمان إنه اليوم عطلة،
وهو اللي اقترح إنه نروح اليوم عشان ما بيكون عنده شغل.
طيب، تنتن، إنتي غضبانة كتير.
شو رأيك تجربي إنك تاخدي نفس عميق تلات مرات،
بلكي بخف غضبك وبترتاحي؟ جربي.
جلجل، أنا ما بدي أتنفس، أنا بدي أروح الرحلة!
إجتني فكرة تانية.
شو رأيك نعد من واحد لعشرة؟
أنا دايماً بعمل هيك لما بكون معصب. يلا.
واحد، اتنين، تلاتة،
أربعة، خمسة، ستة،
سبعة، تمانية، تسعة،
عشرة.
إيش رأيك؟ كيف؟
ارتحت شوي يا جلجل، معك حق.
مادام ارتحتي شوي، شو رأيك نغني مع بعض هالأغنية؟
موافقة يا جلجل، يلا نغني مع بعض.
غضبٌ غضبٌ امضِ بعيداً
أرغبُ في أن أبقى سعيداً
غضبٌ غضبٌ امضِ بعيداً
أرغبُ في أن أبقى سعيداً
أغمضُ عينيّ