Listen and click on the missing word
يا سلام! أنا بحب أقرأ وأستمتع يوم العطلة،
وخصوصاً إنه الجو مش بارد اليوم.
معك حق يا جلجل. شوف ما أحلى الجو
والعصافير اللي حوالينا.
جلجل.
نعم.
مش عارفة أقعد هون، بيصير نغير أماكننا؟
طبعاً يا تنتون، أنا بيهمني
إنك تكوني مرتاحة.
شكراً، كلك ذوق.
إيه! شو هاد؟
ماله هالعصفور يخرج فضلاته إلا على كتابي؟
شو هالحظ السيء هاد؟
بالعكس يا جلجل، أنت محظوظ،
لأني أنا سمعت لما يوقع على رأس واحد
فضلات عصفور بكون محظوظ.
معقول يا تنتون؟
المهم تكون إيجابي ومتفائل.
صح، أنا لازم أكون إيجابي ومتفائل.
مزبوط كلامك يا تنتون.
إذا بدك، نرجع منغير أماكننا.
شكراً يا تنتون،
بلكي هيك بتحسن نهاري.
إيش هاد؟
هاد صوت نحلة.
كش! كشي يا نحلة. كشي.
روحي يا نحلة. إي!
كشي!
أف!
شو حظي اليوم؟
معلش معلش يا جلجل، خلص، خليك متفائل،
هلق الأمور أكيد رح تتحسن.
الواحد لازم يكون إيجابي ومتفائل
حتى لو الأمور ما زبطت.
جلجل، شو رأيك نغير أماكننا
بلكي حظك بيتغير؟
طيب يا تنتون، يلا نغير أماكننا.
شو هاد؟