Listen and click on the missing word
الناس اللي حول رابين جربوا بكل قوتهم
إنه يمنعوني من إني أقترب لرابين.
رابين كان وقتها كنا نوصل تقريباً بالليل
تقريباً الساعة 12، 1 بالليل،
يعملي حطلي كاس عصير سكوتي،
عصير سكوتي يعني ويسكي.
وكنا ناخد اثنيناتنا كنا ناخد
العصير السكوتي ونبلش نحكي.
كان يسألني عن العالم العربي،
كيف العالم العربي بدو يتطلع على إسرائيل،
كيف القادة الساسة العرب بيتطلعوا
على دولة إسرائيل، شو يعني في مجال
للتفاهم وكذا وكذا، يعني هيدي الأسئلة
اللي كانت بيني وبينه.
وأكثر من مرة رحت لعنده قلتله:
شوف سيادة الرئيس، الانتقاد
والمنشورات على الاختراعات
اللي عم بيخبروا عني، أنا ما بدي بهدلك،
أنا فيني استقيل اليوم.
يعملي: شو إنت حمار؟ أنا بعرف كل شي،
خليك معي، خليك معي، ما بدي إياك تنهز.
بكل مكان كنا نوصل، كان يقدمني،
كان يقدمني مش كجاك نيريا بالمرة،
مش كمستشاره السياسي أو مستشاره
الدبلوماسي، كان يخبر كلينتون:
جاك نيريا، هو من لبنان.
آل غور، هو من لبنان.
مرتين بذات السهرة عيطلي حتى يقدمني
قدام آل غور، قله: هو من لبنان.
يعني هو كان يشوفني كمعجزة،