Listen and click on the missing word
وقت ما كنا ساكنين ببيروت كولد،
أول شي حسينا حالنا منيح،
بس شو دايما كنت بس تعبت تحس إنه إنت يهودي
بيناتن، ليه؟ مشان جربنا وقت ما كنا
مش بالحي اليهود، كنا دايما
نجرب إنه ما يعرفوا إنه إنت يهودي.
يعني ما بتحس حالك رايق وقت ما بتكون معن،
مشان شي بتجرب إنه ما يعرفوا ع التمام
إنه إنت يهودي أو لأ،
هيدي حاسة إنه ما فيك تفسرها.
شاب يهودي في لبنان | ذكريات أريه راز (لولي درزية)
ضواحي تل أبيب
اسمي أريه راز، اسمي بلبنان كان أريه درزية،
كان لولو أو ليون درزية.
خلقت ببيروت بسنة 1954 ببيروت،
بعدين سكنت بالوادي،
هنيك أكترية اليهود كانوا ساكنين، وادي أبو جميل.
إيه، ورا شي سنتين انجبروا أهلي يتركوا بيروت
ويسكنوا بغير مطرح.
بس أبي كانوا 12 ولد بالعيلة، وأمي كانوا سبعة.
كان في عندي عيلتين، عيلة أبي هن عيلة درزية،
وعيلة أمي عيلة سعد.
العيلة من جنب أبي مأكد إنه جدي وستي
كانوا من الشام.
أبي خلص علمه، كان حكيم،
ورا ما خلص علمه بلبنان، يهودي ما فيهن،
ما فيه يلاقي ولا شغلة بولا مستشفى ولا بعيادة
ولا بمطرح، مجبور مثل ما بيقولوا يكب حاله
ع الطريق ولازم يدبر حاله.
لكن ورا ما خلص علمه واتجوز،