Listen and click on the missing word
الحاخام إيلي عبادي
الحاخام الأكبر للجالية اليهودية هنا في دبي وفي الإمارات
مرحبا
مرحبتين صباح الخير
أهلا وسهلا
إحنا هون في المعبد اليهودي
في منطقة جميرا في دبي
واسم المعبد بوابات الشرق
لشو بيرمز يعني هاد الاسم؟
إلو معنى رمزي يعني
مو بس المعبد اسمو بوابات الشرق
الجالية كلا سميناها بوابات الشرق
والاسم فيه كم معنى الاسم
معنى أول إنو نحن قاعدين بالشرق
بالدنيا كلا هون الشرق أولاً
وثانياً اليهود دايماً كنا
الساكنين بأمريكا وبالغرب
بس بدنا نصلي منصلّي دايماً عالشرق
مشان هي فين القدس قاعدة
ومعنى تالت إنو بوابات الشرق
بالبيت المقدس المسكرين
نحن منآمن بس ما يجي المشيح
بدو يفوت مع النبي إلياهو
بيفوت من بوابات الشرق
بقا هول بوابات الشرق
يعني اسم ممتاز كتير كتير وعندو معنى حلو كتير
جميل
الجالية اليهودية أو الوجود اليهودي هون في دبي وفي الإمارات
شي جديد وشي خاص واستثنائي
يعني أنا بعتقد سمعت إنو هاي الجالية الوحيدة في العالم العربي
اللي عم تكبر مو عم تتقلص يعني
فـ يعني إنت بوقت تاريخي هون
احكيلنا شوي عن الجالية يعني والوجود اليهودي هون
أكيد هون كان في يهود قبل اتفاقات إبراهيم
بس ما كانت جالية مزبطة ومنظمة
بعد اتفاقات إبراهيم حتى الحكومة والشعب هون
بدن يكون عندن جالية يهودية منظمة ومع رخصة وكل شي
بقا طلبوني شي أنا كنت زرت هون من تلات سنين
زرت أول شي الجالية الصغيرة اللي كانت قاعدة هون
بعدين كمان زرنا مع صاحب السمو الشيخ محمد بن زايد
زرناه بالقصر تبعو بأبو ظبي وجبنالو سفر توراة
هدية على روح أبوه الشيخ زايد الله يرحمو
وتعرفت عالحكومة تعرفت عالناس تعرفت عالجالية
وبس ما صار اتفاقات إبراهيم وبدن يعملوا إنو جالية تكون منظمة مع رخصة
يعني جالية رسمية كدين كدين اليهودي
طلبوني إجي لهون مشان أنا أصلي من الشرق الأوسط
بحكي عربي
بعرف القرآن الدين الإسلام
وكنت معلم بيشيفا يونيفرسيتي
على أيام الوقت اللي كانوا اليهود والإسلام مع بعض ساكنين
اللي هي جامعة يهودية أمريكية في نيويورك صح؟
أيوا جامعة يهودية جامعة يشيفا يونيفرسيتي
أنا كنت مدير المدرسة تبع يعقوب صفرا
للعلماء السفارديين والشرقيين
طيب إحنا الآن فبراير 2022 إنت موجود هون من إيمتى إجيت؟
هلا موجود هون من نوفمبر من عام 2020
يعني إلي سنة وأربع تشهر
المستمعين والمشاهدين أكيد بيسمعوا إنو لهجتك سورية
فخلينا نحكي شوي عن سيرتك الشخصية يعني مواليد وين وكيف الحياة؟
كيف لكان أنا انولدت ببيروت بلبنان
أهلي كانوا لاجئين يهود سوريين
اللي هربوا من سوريا سنة الـ 48
بس ما صار الحرايق الحوادث تبع الحرايق
في عشر بلاد عربية بس ما طلعت مدينة إسرائيل دولة إسرائيل
صار انجموا عالجالية اليهودية بكل البلاد
بسوريا بمصر بالعراق بتونس بتونس بكل البلاد العربية عشر بلاد عربية
واليهود اللي كانوا ساكنين بسوريا بحلب وبالشام
خافوا كتير على حياتن مشان انجموا عليهن طلعوا ضد الكنايس حرقوا الكنايس
وأهلك من حلب؟
أهلي من حلب أهلي من حلب بقا هنن هربوا
هربوا للبنان وسكنوا في لبنان
لبنان كانت مدينة متل أوروبا تحت سلطة فرنساويّة
وسكنوا بلبنان وأنا خلقت بلبنان
وكانت هناك جالية يهودية ومؤسسات ومدارس؟
كانت جالية يهودية منظمة كتير كتير مأسسة حلو كتير
مع مدارس مع معابد يعني كنايس
كان في تقريباً شي 22 كنيس يهودي
كانت في تلات مدارس يهودية كمان
أبي كان حاخام وكان مدير المدرسة كمان اللي تعلمت أنا فيها
وضليتوا في بيروت لإيمتى؟
ضلينا في بيروت لـ 1971
مشان عرفنا إنو كمان لبنان رح تنخرب
مشان بس ما شفنا عرفات والفدائيين تبعولو
اللي دشروا من الأردن بيسموه بشهر سبتمبر الأسود
كان في حرب بين إخوان بالأردن والملك حسين دشر عرفات والفدائية
ولبنان جبروها تقبلن بقا استقبلتن استقبلوهن وإجوا للبنان
وبلشنا نشوف بالشوارع مظاهرات مع الفدائيين
وعرفنا إنو البلد كلا بدا تروح بدا يكون في حرب إخوان كمان هونيك
وعرفنا إنو الجالية اليهودية بدا تتأثر كتير فيها كتير كتير
وفعلاً؟
وفعلاً كان بس ما تركنا بعد تلات سنين أقل كمان بلش الحرب بلبنان
والجالية اليهودية كمان انجبرت تهرب وتروح وفي كم منهن انقتلوا انقتلوا
كتير منهن راح على أمريكا؟
كتير منهن راحوا على أمريكا
راحوا على مكسيك نحن أهلي راحوا على مكسيك
في كتير منهن راحوا لفرنسا ولإيطاليا ولكندا وفي كمان راحوا لإسرائيل
مشان كنا لاجئين ما كان عنا جواز لبناني ولا جواز سوري
كنا بيسمونا ستايتلس لاجئين بلا دولة بلا دولة
وبس ما تركنا لبنان مختوم كان عالمش جواز جواز رسمي
ليسيه باسيه كانوا بيسموها روحة بلا رجعة
واو
يعني كنا بنقدر نطلع من البلد بس ما بنقدر نرجع مشان كنا لاجئين
يعني الواحد صار بلا وطن فجأة بلا وطن كنا بلا صح كنا مضبوط كنا بلا وطن
والقصة إنو نحن تركنا كمان سنة الـ 71
مشان قبل بكم شهر طلعت صورة أبي مع تلات الحاخامات
كان في تلات حاخامات تبع البيت الديني أبي كان واحد منهن
طلعت صورة ومن تحتها مكتوب هون الصهيونية اللي بيساعدوا دولة إسرائيل
ومش كانت كذب كلا كذب بس بتعرف عشان يبرروا يعني الخطوات
أيوا بقا صار خطر كتير على كل حياتو أهلي أكيد وكل العائلة
وكمان عائلة تبع كل الجالية اليهودية فاتت بخطر
بس ما واحد يقول الحاخامات تبع الجالية هن صهيونية ببلد عربي يعني خطر كتير
بقا كمان جربنا نهرب من لبنان ووصلنا لمكسيك وعشنا بمكسيك
وإنت كملت دراساتك؟ كملت دراساتي بمكسيك يونيفرسيتي
وكيف قررت إنك تكون طبيب دكتور؟
كل حياتي كنت بدي أكون طبيب من كان عمري خمس ست سنين أشتهي أكون طبيب
مشان لما كنت صغير كنت أمرض كتير أزمة ورشح وهي
بقا قلت لو في حكيم بالعائلة مو ضروري
بنص الليل أهلي يطلعوا
يروحوا يفتشوا على حكيم
بهديك الأيام ما كان في تليفونات ما كان في تكستينغ ما كان في هيدي
بقا كان صعب واحد يروح يدبر الحكيم بقا قلت إذا كان في شي حكيم بالعائلة أهون
أها اليوم إنت حاخام كمان إيمتى بلشت هالمسيرة يعني مع الحاخامية؟
طيب أبي حاخام وأنا جاي من سلسلة حاخاميم من أكتر من 500 سنة من سفاراد من الأندلس
يعني أصلي من الأندلس أصل عائلتي من 500 سنة من الأندلس
كان في حاخام تقريباً بكل جيل بقا أبي كان حاخام جيل بعد جيل
جيل بعد جيل كانوا حاخاميم بقا قلت لازم
أنا أكون كمان حاخام
مشان بدي أكمل هالسلسلة
الحاخاميم اللي في عائلتي وبس بعدين وبس بدي أشتغل كطب
بس حاخام بس لأتعلم وأتعرف وأعرف كل قوانين الدين
اليوم إنت موجود هون في الإمارات وهناك رابطة جديدة منصب جديد منظمة جديدة
ممكن تحكي شو اسمها أولاً؟
بقلك بقا بس ما وصلت أنا لهون بنوفمبر عام 2020
انتبهت إنو في أول شي كمان جالية يهودية بالبحرين صغيرة بس في وإلا 140 سنة
وكمان انتبهت في يهود بالمدينات بالخليج يعني بسعودية بعمان بقطر بالكويت
هن رجال أعمال معظمهم؟
رجال أعمال رجال يعني علماء كمان وما عندن جالية ومنن منظمين كجالية
بقا افتكرت قلت لازم نساعدن لازم نقربن لعنا
ونحن على كل حال بالخليج عم كيف عم نقول عم نبلش حياة جديدة وعم نبلش مستقبل جديد
بكل هالمنطقة تبع الخليج بقا تفاهمت وسألت ومع الجالية اليهودية بالبحرين
سيد إبراهيم نونو وهدى نونو قلنا لازم نبلش
رابطة تنقدر نساعد اليهود
الساكنين بغير بلاد
ونقدر نساعد بعضنا مشان إذا في جالية ما عندها ما بتقدر تساوي حسبي شغلة
نحن بنقدر نساعدن وهي وبلشنا رابطة سميناها رابطة الجاليات اليهودية في الخليج
بلشناها بفبراير 2021
واو جديدة يعني جديدة وإلا هلا بدنا نساوي عيدنا السنة الجمعة الجاية