Tap any word
فبحب إشرب قهوة الصبح،
so I love to drink morning coffee,
وإذا ما شربت قهوة
and if I don't drink coffee
بحس إنه في شي غلط.
I feel like something is wrong.
فبحس حالي مش مصحصحة
So I feel I'm not awake
أو بحس حالي مش كتير مرتاحة،
or I feel I'm not very comfortable,
تعودت عالقهوة.
I got used to coffee.
فبعمل شي، بعمل أول شي القهوة
So I do something, I do the first thing coffee
يعني لما إشرب القهوة، ما بشتغل شي.
I mean when I drink coffee, I don't do anything.
ومن بعد القهوة، ببلش شغل.
And after coffee, I start work.
فعشان هيك أنا ما باكل دغري الصبح،
So that's why I don't eat immediately in the morning,
ما باكل شي عادة قبل القهوة،
I don't eat anything usually before coffee,
ممكن آكل شي فواكه أو أكيد بشرب مي،
I might eat some fruit or surely I drink water,
بس ما باكل شي،
but I don't eat anything,
يعني ما بتروق أو ما بفطر، أوكي؟
I mean I don't have breakfast or I don't eat breakfast, okay?
بعد القهوة، ببلش شغل شوي،
After coffee, I start work a bit,
هلق أنتو بتعرفوا يمكن
Now you might know
أو ما بتعرفوا،
or you might not know,
إنه أنا ما بروح عالشغل كل يوم،
that I don't go to work every day,
يعني ما لازم إضهر من البيت
I mean I don't have to leave the house
وإطلع بالسيارة وسوق السيارة
and get in the car and drive the car
وروح عالمكتب أو عالشغل،
and go to the office or to work,
فأنا بشتغل من البيت،
so I work from home,
عشان هيك أنا بدور الكمبيوتر
that's why I turn on the computer
وببلش شغل.
and start work.
فببلش تحضير دروس،
So I start preparing lessons,
فأنا لأنه أنا معلمة وعندي تلاميذ،
So because I am a teacher and I have students,
لازم حضر دروس لهدول التلاميذ،
I have to prepare lessons for these students,
فببلش بحضر الدروس
so I start preparing the lessons
وبشتغل شوي عاليوتيوب،
and work a bit on YouTube,
إذا عندي فيديو بدي أعمل إيديتينغ
if I have a video I want to edit
أو بدي حضر الترجمة،
or I want to prepare the translation,
بشتغل شوي عالكمبيوتر،
I work a bit on the computer,
ولما يبلشوا الدروس،
and when the lessons start,
عادة الدروس ببلشوا حسب،
usually the lessons start depending,
أوقات ببلشوا الساعة سبعة،
sometimes they start at seven o'clock,
أوقات ببلشوا الساعة ثمانية،
sometimes they start at eight o'clock,
أوقات ببلشوا الساعة تسعة، حسب،
sometimes they start at nine o'clock, depending,
ما في وقت محدد.
there is no specific time.
فأنا عادة بتروق بين الصفوف،
So I usually have breakfast between classes,
يعني بين صف وصف،
I mean between one class and another,
لما يكون عندي بريك نصف ساعة أو ساعة،
when I have a break of half an hour or an hour,
بتروق وعادة باكل ساندوتش،
I have breakfast and usually eat a sandwich,
بعمل ساندوتش أو بلف ساندوتش
I make a sandwich or wrap a sandwich
بالخبز العربي.
in Arabic bread.
ف هيدي هي ترويقتي
So this is my breakfast
أو هيدا هو الفطور، فطوري عادة.
or this is the breakfast, my breakfast usually.
عادة أنا بيكون عندي بالنهار
Usually I have during the day
أربعة دروس، ماكسيموم خمسة دروس،
four lessons, maximum five lessons,
فتلاميذي يلي عم يدرسوا معي عربي،
So my students who are studying Arabic with me,
عادة بيتعلموا أو بيدرسوا معي الصبح،
usually learn or study with me in the morning,
بهيدا الوقت، يعني من الساعة سبعة
at this time, I mean from seven o'clock
للساعة ماكسيموم واحدة أو واحدة ونصف،
to one o'clock maximum or one and a half,
ليش؟ لأنه أنا الساعة واحدة ونصف
Why? Because I at one thirty
لازم روح جيب ابني من المدرسة.
have to go pick up my son from school.
أنا بجيب ابني من المدرسة،
I pick up my son from school,
هو ما بيرجع عالبيت بالباص
He doesn't return home by bus
أو ما بيرجع بالأوتوكار،
or he doesn't return by carpool van,
لأنه هو ما بده، يعني لما بلش مدرسة،
because he doesn't want to, I mean when he started school,
هو كان يروح بالأوتوكار بالروحة
he used to go by van on the way there
وبالرجعة، يعني كان يروح
and on the way back, I mean he used to go
وكان يرجع بالأوتوكار،
and he used to return by van,
بس هو قال لي إنه هو مش مبسوط
but he told me that he is not happy
ومش مرتاح، والأوتوكار كتير
and not comfortable, and the van very
عم بيطول ليمشي،
takes long to move,
شو يعني؟ يعني عم بيطول،
What does that mean? It means it takes long,
يعني عم يأخذ وقت طويل ليمشي
I mean it takes a long time to move
من المدرسة،
from school,
وجاد عم يتأخر، جاد يعني ابني،
and Jad gets delayed, Jad means my son,
ابني عم يتأخر كتير ليوصل عالبيت
my son gets delayed a lot to arrive home
وعم يتعب،
and gets tired,
يعني عم يحس إنه هو تعبان بعد المدرسة،
I mean he feels that he is tired after school,
عشان هيك أنا قررت إنه أنا
That's why I decided that I
رح روح جيبه من المدرسة.
will go pick him up from school.
فالساعة واحدة ونصف أنا لازم إضهر،
So at one thirty I have to leave,
فمثل ما شايفين،
So as you can see,
إنه نهاري كتير قصير،
that my day is very short,
يعني ببلش من الساعة سبعة
I mean it starts from seven o'clock
وبيخلص الساعة واحدة، واحدة وشوي،
and ends at one o'clock, one and a bit,
واحدة ونصف ماكسيموم،
one thirty maximum,
لأنه أنا لما روح جيب ابني من المدرسة،
because when I go pick up my son from school,
ما بقدر إشتغل شي،
I can't work on anything,
لأنه لازم جيب ابني،
because I have to pick up my son,
ولازم ابني يتغدى أول ما يوصل،
and my son has to have lunch as soon as he arrives,
يعني من أول ما يوصل
I mean from the moment he arrives
أو من أول ما يجي عالبيت،
or from the moment he comes home,
هو بيكون جوعان وتعبان،
he is hungry and tired,
فلازم يغير ثيابه، يغير الكوستيوم
so he has to change his clothes, change the costume
ويلبس بيجاما أو يلبس ثياب البيت،
and wear pajamas or wear house clothes,
لازم يتغدى ولازم يرتاح،
he has to eat lunch and has to rest,
وأنا لازم كمان قضي وقت معه،
and I also have to spend time with him,
فمش حلوة إنه أنا كمان إشتغل بعد الظهر،
so it's not nice that I also work in the afternoon,
وهو بحاجة إلي أو بحاجة ليقعد مع أمه،
and he needs me or needs to sit with his mom,
ويقضي وقت مع أمه،
and spend time with his mom,
فعشان هيك أنا ما بشتغل عادة بعد الظهر،
so that's why I don't work usually in the afternoon,
إلا ساعة واحدة، فأنا عندي ساعة
except one hour, so I have one hour
بعد الظهر، عندي ساعة تدريس واحدة،
in the afternoon, I have one teaching hour,
أنا بدرس عادة أو الساعة أربعة
I teach usually at four o'clock
أو الساعة خمسة، حسب التلميذ،
or five o'clock, depending on the student,
وليش؟ لأنه أنا عندي تلاميذ عايشين
And why? Because I have students living
ببلاد مثل أمريكا أو مثل البرازيل،
in countries like America or like Brazil,
ف يعني في كتير فرق بالوقت،
so I mean there is a lot of time difference,
هن ما بيقدروا يتعلموا الصبح معي،
they can't learn in the morning with me,
لأنه الصبح بلبنان يعني عندهم
because the morning in Lebanon means for them
بيكون الوقت كتير متأخر
the time is very late
أو الوقت كتير بالليل،
or the time is very at night,
فعشان هيك أنا مضطرة،
so that's why I am forced,
شو يعني مضطرة؟ يعني هيدي ضرورة
What does forced mean? It means this is a necessity
أو إنه لازم إشتغل هيدي الساعة بعد الظهر،
or that I have to work this hour in the afternoon,
لأنه إذا ما اشتغلت،
because if I don't work,
هدول التلاميذ ما رح يقدروا يدرسوا معي
these students won't be able to study with me
أو ما رح يقدروا يكملوا درس معي بالصبح،
or they won't be able to complete a lesson with me in the morning,
أوكي؟
Okay?
مش بس إنه نهاري كتير قصير
Not only is my day very short
من السبعة للساعة واحدة، واحدة ونصف،
from seven to one o'clock, one thirty,
كمان بالبريك أو بين الدروس،
also during the break or between lessons,
أنا لازم أعمل أكل،
I have to make food,
يعني إذا ما في عندي أكل،
I mean if I don't have food,
لازم أنا أعمل غدا،
I have to make lunch,
لأنه أكيد لما يجي ابني من المدرسة
because surely when my son comes from school
وكمان بعدين لما يجي جوزي من الشغل،
and also later when my husband comes from work,
إنه هن اثنيناتهم بيكونوا جوعانين،
that the two of them will be hungry,
بيجوا جوعانين، بيجوا دغري عالمطبخ،
they come hungry, they come straight to the kitchen,
دغري عالأكل،
straight to the food,
فكمان أنا لازم أعمل شي.
so I also have to make something.
هلق عادة إذا ما كان عندي وقت، مش مشكلة،
Now usually if I don't have time, no problem,
أنا بقدر أعمل أكل بعدين،
I can make food later,
بعد ما يرجع ابني من المدرسة،
after my son returns from school,
بس ممكن أنا أعمله شي صغير بس إله،
but maybe I make him something small just for him,
وبعدين أنا بطبخ أو بعدين أنا بعمل غدا،
and then I cook or then I make lunch,
يعني بعمل أكل، أوكي؟
I mean I make food, okay?
شو بنعمل لما يرجع ابني من المدرسة؟
What do we do when my son returns from school?
فمثل ما قلتلكم أنا أكيد
So as I told you I surely
ما بقدر إشتغل شي،
can't work on anything,
وأنا لازم أقعد معه، فأنا بقعد،
and I have to sit with him, so I sit,
بقعد مع ابني، بتحدث معه، بنحكي،
I sit with my son, I talk with him, we speak,
بسأله عن نهاره، كيف كان نهارك؟
I ask him about his day, how was your day?
شو عملت اليوم؟
What did you do today?
شو تعلمت شي جديد؟
Did you learn something new?
أو أي حرف جديد تعلمت اليوم؟
Or what new letter did you learn today?
لأنه ابني صغير،
Because my son is small,
يعني هلق عم يتعلم الأحرف،
I mean now he is learning the letters,
أحرف الأبجدية، أ ب ت أو الـ ABC.
the alphabet letters, A B T or the ABC.
فإيه هو بيخبرني كيف كان نهاره،
So yes he tells me how was his day,
بيخبرني شو عمل،
he tells me what he did,
بيخبرني مع مين كان عم يلعب
he tells me with whom he was playing
ومع مين كان عم يحكي،
and with whom he was talking,
فأنا بحب يعني هيدا الوقت من النهار.
so I love I mean this time of the day.
وأصلاً كمان يعني هو بيخبرني
And actually also I mean he tells me
كل هيدول الأشياء عادة وين؟
all these things usually where?
بالسيارة، مش بالبيت،
In the car, not at home,
يعني لما نطلع بالسيارة وندور السيارة
I mean when we get in the car and turn the car
ونمشي، بيخبرني كل شي
and we walk, he tells me everything
قبل ما نوصل عالبيت.
before we arrive home.
أوكي، ولما خلص أنا شغلي 100%
Okay, and when I finish my work 100%
يعني بعد الساعة خمسة
I mean after five o'clock
أو بعد الساعة ستة بعد الظهر،
or after six o'clock in the afternoon,
أوقات بنضهر نحن كلنا، كل العيلة،
sometimes we all go out, the whole family,
يعني أنا وجوزي وابني،
I mean me and my husband and my son,
بنروح بنعمل رياضة، بنمشي،
we go do exercise, we walk,
بنهرول، بنعمل هرولة، يعني بنركض،
we jog, we do jogging, I mean we run,
بس مش ركض كتير سريع،
but not very fast running,
يعني ركض عالبطيء، ركض شوي شوي.
I mean slow running, running a little bit.
ف بس أكيد مش كل يوم بنعمل هيدا الشيء
So but surely not every day we do this thing
لأنه أنا ما بقدر كل يوم وحسب،
because I can't every day and depending,
حسب ما أنا كون مرتاحة
depending on if I am comfortable
أو حسب أنا كيف بكون
or depending on how I am
بهيدا الوقت الساعة ستة،
at this time six o'clock,
إذا كنت مرتاحة وقادرة أعمل رياضة
if I am comfortable and able to do exercise
أكيد بنروح،
surely we go,
وأنا بحب إضهر أعمل رياضة بمحل مفتوح،
and I love to go out do exercise in an open place,
يعني برا،
I mean outside,
مش جوا بالنادي،
not inside at the club,
وخاصة بلبنان لأنه في عندنا محلات
and especially in Lebanon because we have places
كتير حلوة نحن يعني بنقدر نعمل رياضة،
very nice we I mean we can do exercise,
مش مش كل المحلات
not not all the places
بس إنه أنا ساكنة قريبة عالبحر،
but that I live close to the sea,
ففي كورنيش،
so there is a corniche,
يعني هيدا الطريق يلي قريب عالبحر
I mean this road that is close to the sea
أو هيدا الرصيف يلي قريب عالبحر،
or this sidewalk that is close to the sea,
فبحب أعمل رياضة هنيك بهيدا المحل،
so I love to do exercise there in this place,
وهلق بلبنان يعني صار الطقس كتير حلو،
and now in Lebanon I mean the weather became very nice,
ما في شوب وما في برد.
there is no heat and no cold.
وكمان هلق صار النهار بلبنان طويل،
And also now the day in Lebanon became long,
لأنه هلق نحن بلشنا بالتوقيت الصيفي،
because now we started daylight saving time,
يعني نحن بالصيفية بنزيد ساعة،
I mean we in summer add an hour,
بنزيد ساعة، فهلق النهار يعني بيخلص
add an hour, so now the day I mean ends
الساعة سبعة، سبعة ونصف،
at seven o'clock, seven thirty,
فإنه في وقت إذا نحن بدنا نضهر
so there is time if we want to go out
ونعمل رياضة عالعصر.
and do exercise in the afternoon.
أكيد لما نرجع من الرياضة
Surely when we return from exercise
بدنا نتحمم ونغير ثيابنا ونرتاح،
we need to shower and change our clothes and rest,
يعني تقريباً هون صار آخر النهار
I mean approximately here became the end of the day
بالنسبة لابني، مش بالنسبة إلي،
for my son, not for me,
فابني يعني بعد ممكن الساعة ثمانية
So my son I mean after maybe eight o'clock
يتعشى وينام، أوكي؟
has dinner and sleeps, okay?
ومن بعد ما ينام ابني،
And after my son sleeps,
هو بينام بكير لأنه كل يوم
he sleeps early because every day
بفيق بكير كتير ليروح عالمدرسة،
he wakes up very early to go to school,
فهو بيحس حاله تعبان،
so he feels himself tired,
يعني الساعة ثمانية خلص هو بيكون
I mean at eight o'clock finally he is
كتير تعبان وهو بيحس إنه بده ينام،
very tired and he feels that he wants to sleep,
يعني هو بيكون نعسان أو بينعس،
I mean he is sleepy or getting sleepy,
بينعس يعني بيحس بالنعاس
getting sleepy I mean feels the sleepiness
وبيحس إنه لازم ينام.
and feels that he has to sleep.
فمن بعد ما ينام ابني،
So after my son sleeps,
أنا هون ببلش عندي نهار جديد!
I here start for me a new day!
يعني أنا بنطر، بنطر لينام
I mean I wait, I wait for him to sleep
لأقدر أنا إشتغل أشياء أنا بدي،
to be able I work on things I want,
بدي إشتغلها،
I want to work on them,
يعني لأقدر أنا أعمل شو ما بدي،
I mean to be able I do whatever I want,
بنطر لابني لينام. لما هو ينام
I wait for my son to sleep. When he sleeps
أو بس ينام،
or as soon as he sleeps,
أنا بيكون عندي شوية وقت،
I have a bit of time,
بس للأسف يعني أكتر الأوقات
but unfortunately I mean most of the times
أو أغلب الأوقات،
or most of the times,
أنا بكون تعبانة كمان بهيدا الوقت،
I am tired also at this time,
يعني مضبوط إنه بيكون معي شوية وقت
I mean exactly that I have a bit of time
لأقدر إشتغل،
to be able to work,
بس ما بيكون عندي كتير طاقة،
but I don't have much energy,
فالوقت بدون طاقة صعبة،
so time without energy is hard,
أو طاقة بدون وقت كمان صعبة،
or energy without time also hard,
فعلى كل الحالات يعني القصة
so in all cases I mean the story
مش سهلة لما الواحد يكون عنده شغل
isn't easy when one has work
ويكون عنده ولد كمان.
and has a child also.
هلق أنا ولد واحد يعني هلق يمكن
Now I have one child I mean now maybe
أنتو عم تضحكوا إنه شو ولد واحد
you are laughing that what one child
وعم تحكي،
and I'm talking,
بس أنا بالنسبة إلي إنه لو ولد واحد
but for me that even one child
بس إنه بحس بالتعب
just that I feel the tiredness
لأنه عادة أنا بعمل كل شي،
because usually I do everything,
ما عندي كتير حدا يساعدني
I don't have many people to help me
يعني بكل شي يعني أنا بعمله كل يوم،
I mean in everything I mean I do it every day,
بالطبخ، بالشغل، بكل شي.
in cooking, in work, in everything.
إيه فأنا بالليل بشتغل شوي،
Yes so I at night work a bit,
كمان بدرس شوي لأنه أنا بدرس روسي،
also study a bit because I study Russian,
بس مش كل يوم أكيد،
but not every day surely,
بدرس مع أستاذ مرتين بالأسبوع،
I study with a teacher twice a week,
وشو كمان؟ وبرتاح،
And what else? And I rest,
برتاح يعني آخر النهار،
I rest I mean at the end of the day,
فبيكون كل النهار ماراثون وركض بركض،
so the whole day is a marathon and running running,
آخر النهار برتاح شوي
at the end of the day I rest a bit
وممكن إحضر شي على التي في أنا وزوجي،
and maybe watch something on TV me and my husband,
بس مش كل يوم، ما في وقت إنه نحضر
but not every day, there isn't time that we watch
كل يوم، يعني ما بتظبط كل يوم.
every day, I mean it doesn't happen every day.
إيه فهيدا كان كل شي يعني تقريباً
Yes so this was everything I mean approximately
عن نهاري بطريقة سهلة وبسيطة،
about my day in an easy and simple way,
وبتمنى إنه يعني هيدا الفيديو
and I hope that I mean this video
يكون ساعدكم أو بتمنى تكونوا أنتو
has helped you or I hope you
تعلمتوا كلمات جديدة،
learned new words,
واستفدتوا، استفدتوا يعني
and benefited, benefited I mean
إن شاء الله عم تستفيدوا وهيدي هدول
God willing you are benefiting and these
الفيديوز عم بتكون مفيدة بالنسبة لكم،
videos are being useful for you,
وأنا عن جد بآمن بهيدي الطريقة،
and I truly believe in this method,
بآمن إنه هيدا الشيء بيساعد
I believe that this thing helps
لما نحن دايماً دايماً نسمع،
when we always, always hear,
شيء بس باللغة، بنفس اللغة
something only in the language, in the same language
يلي نحن عم نتعلمها،
that we are learning,
هيدا كتير بيساعد الدماغ إنه يفهم،
this greatly helps the brain to understand,
يصير يفهم أكتر وأكتر مرة بعد مرة،
it starts to understand more and more time after time,
ونحن بنصير نتعلم كلمات جديدة
and we start to learn new words
بطريقة إنه كتير أوتوماتيك،
in a way that is very automatic,
أو كتير طبيعية بدون ما نحن نفكر،
or very natural without us thinking,
خلص نحن بنصير نعرف،
finally we start to know,
مثل الولد الصغير لما يتعلم كيف يحكي،
like the small child when he learns how to speak,
يعني أول ما يخلق، أوكي؟
I mean as soon as he is born, okay?
فخبروني أنتو بالتعليقات شو رأيكم،
So tell me you in the comments what is your opinion,
إذا عندكم أي سؤال،
if you have any question,
وأنا بشوفكم بفيديو جديد، مع السلامة.
and I will see you in a new video, goodbye.